بقلم : امال عبد المنعم.. نقابة المرافق

افتكروا ان ماتبناش طوبة فى القصر الرئاسى الا بعد بناء 24 مستشفى عالمى…..بناء 100 مركز لعلاج فيرس سى الوباء الذى كان يقتل الفقراء والمهمشين فى ربوع مصر ومكانش بيلا قوا العلاج…. عمل نور حياة للقضاء على أمراض العيون ورفع كفاءة مستشفيات كثيرة والقضاء على قوائم الانتظار.

وكمان المبادرات شملت أمراض الضغط والسكر والسمنة…… عمل حياة كريمة ل300 قرية عايشة تحت خط الفقر…. بناء مئات الآلاف من الشقق للشباب ومستهدف بناء مليون ونصف وحدة سكنية بناء 14 مدينة كل مدينة فيها إسكان للشباب ولمتوسطى الدخل.

عمل مبادرات تكافل وكرامة. وأمان وغيرهم الكثير…. عمل مبادرات صحية أطلق اكبر منظومة إصلاح صحى وهى منظومة التأمين الصحى الشامل.

عمل طرق ومصانع ومحطات كهرباء وبحيرات سمكية وتسليح الجيش وقناة سويس جديدة وعمل كبارى وانفاق ومحطات مترو ورفع موانى وحارب الارهاب ورجع لنا نفوذنا وقوتنا وهيبتنا عمل بشاير الخير.

اكبر مشاريع تطوير العشوائيات المرحلة الأولى شملت 1632. شقة والمرحلة الثانية 1869 شقة مع كافة الخدمات ومجهزة تجهيز ا كاملا ومستمر المشروع بشاير الخير 3 بشاير الخير 5 ليصل المشروع فى نهايته إلى 30 الف شقة لتخدم 150 الف مواطن.

بناء مدينة الاسمرات تم نقل سكان عشوائيات مثلث ماسبيرو ومنشية ناصر وغيرها من العشوائيات الموجودة بالقاهرة الى الحى المجهز بكل الوسائل الراقية للمعيشة حى الاسمرات جميع الشقق مفروشة بلأثاث مبادرة اطفال بلا مأوى لحماية 80% من اطفال الشوارع ورفع كفاءة دور الرعاية

مبادرة مصر بلا غارمين لسداد ديون المحبوسين بسبب دين تعثروا فى سداده نتيجة ظروف اقتصادية صعبة.

تطوير الصرف الصحى والزراعى بمحافظتي الاسكندرية والبحيرة … وتوفير فرص عمل.

عاوزة اقول لهم ان مش السيسى الى صنع الفقر فى مصر ولا هو إلى سكن الناس فى العشوائيات.. وخلاهم يسبحوا فى مياه المجارى…. مش السيسى الى دمر التعليم فى مصر وخرج اجيال أمية بشهادات عالية… اجيال جاهزة تنضم للتنظيم الدولى الإرهابي…. مش السيسى الى ساب الحرامية تسرق أرض مصر….. والارهابيين يحفروا أنفاق مالهاش عدد…. مش السيسى اللى اهمل توعية الناس بكثرة الإنجاب وعمل سياسات تحد منها لغاية مابقينا 100 مليون….. مش السيسى الى جاب للمصريين السرطان من الأغذية المسرطنة وأمراض الكبد والكلى…. مش السيسى اللى عمل فجوة بين الأغنياء اللى واصلين للسحاب والفقراء الى غرقانين فى باطن الأرض وضرب الطبقة الوسطى…. مش السيسى الى خرب الحياة الحزبية وضرب الحركة الوطنية وافسدها وعمل فراغ سياسى يستفيد منه الارهاب… مش السيسى اللى ساب مصر من غير مشاريع قومية ودمر صناعة الغزل والنسيج واوهم الناس ان مصانع الشيبسى واللبان السمارة والشيتوس والكاراتيه هى دى الصناعة الوطنية…. مش السيسى اللى ساب ثروات مصر غاز وبترول من غير مايطلعها فى اوقات الاستقرار…. مش السيسى اللى اهمل سيناء والصحراء الغربية وكل أرض مصر المترامية الأطراف….. مش السيسى اللى دمر الزراعة واهمل الطرق وكبر دماغه من البنية الأساسية وساب اللى يخالف فى البناء واللى يهبش يهبش….. مش السيسى الى ساب الناس تعتدى على النيل وتدمر مجراه…. مش السيسى اللى دمر الإعلام وربى بعض الإعلاميين التعابين اللى رضعوا نفاق ودولارات واتفطموا على خدمة مصلحتهم ومصلحة اللى مشغلينهم….. مش السيسى اللى اتسبب فى إغلاق المصانع والشركات وتشريد العمال وتدمير قطاع السياحة وإهمال الاثار… مش السيسى اللى اهمل علاقاتنا الأفريقية وخلى إثيوبيا تعمل اتفاق عنتيبىي…. مش السيسى اللى اهمل التعليم وخصص له 6%من الميزانية 30 سنة وخلى التعليم يبقى فى البيوت والسناتر…. مش السيسى اللى اهمل الصحة وخصص لها 3% طول 30سنة وخلى مستشفيات الدولة خرابات… وخلى كل واحد يتعالج فى المستشفيات الخاصة… ونشر البزنس فى صحة الناس وحياتهم……………………….. وعهد الله مش السيسى اللى عمل كل ده…. بالعكس هو الى بيشتغل علشان يحل كل ده فى وقت واحد ويحاول ويجتهد ويجاهد علشان يصلح اللى افسدته عقود طويلة فى اربع سنين…… والسؤال الأهم… انتم عاوزين ايه من السيسى….؟؟؟!!!!!!

لابد أن نقرأ ونفهم والا تكونوا مقصرين….. حافظوا على مصر حافظوا على مصر…… حافظوا على مصر…… تحيا مصر….تحيا مصر….تحيا مصر.